«Наступны ўдар па Пуціну павінен быць яшчэ мацнейшы за мінулыя»

Штаб Навальнага абвясціў аб падрыхтоўцы новых акцый пратэсту.

Штаб Аляксея Навальнага абвясціў аб падрыхтоўцы новых акцый за свабоду апазіцыянера. Пра гэта паведамляе Znak.

«Наступную акцыю за свабоду Навальнага мы абяцалі правесці вясной. Надышоў сакавік, а значыць, нам трэба паспяшацца. Цяпер усе штабы актыўна рыхтуюцца да новых масавых акцый, пра якія мы зусім неўзабаве раскажам. Наш наступны ўдар па Пуціну павінен быць яшчэ мацнейшы за мінулыя. Мы павінны вывесці на вуліцы яшчэ больш людзей - усіх нязгодных трываць беззаконне і рэпрэсіі. Мы ведаем, як гэта зрабіць. Але патрэбная ваша падтрымка», - гаворыцца ў паведамленні штаба.

Канкрэтная дата акцый пакуль не называецца. Распавесці, што менавіта трэба рабіць для вызвалення Навальнага, яго паплечнікі абяцаюць расказаць «зусім хутка».

23 і 31 студзеня, а таксама 2 лютага па ўсёй Расеі прайшлі маштабныя акцыі пратэсту ў падтрымку Аляксея Навальнага. У іх узялі ўдзел некалькі сотняў тысяч чалавек, больш за 11 тысяч былі затрыманыя.