У Бабруйскім ізалятары галадоўку трымаюць пяць чалавек
3- 1.04.2021, 20:41
- 3,134
Сярод галадоўнікаў ёсць інвалід III групы.
У Бабруйскім ізалятары часовага ўтрымання галадоўку трымаюць пяць чалавек, затрыманых на Дзень Волі, паведамляе «Белсат».
Гэта Павел Кабанчук (асуджаны на 15 дзён), Іван Манько (30 содняў), Уладзімір Міхалап (30 содняў), інвалід III групы Сяргей Бяляеў і Аляксандр Парахневіч (па 20 содняў кожны).
Напрыклад, Кабанчука асудзілі за налепку з гербам «Пагоня» на аўтамабілі. Яго маці Таісія Кабанчук піша ў сацсетках, што сыну не дазваляюць перадаць нават ваду.