Да +17°С чакаецца ў Беларусі ў чацвер
- 21.04.2021, 18:09
- 4,110
Будзе пераменная воблачнасць.
Кароткачасовыя дажджы, навальніцы і да 17 градусаў цяпла чакаюцца ў Беларусі 22 красавіка, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
У чацвер будзе пераменная воблачнасць. Уначы месцамі, удзень на большай частцы тэрыторыі краіны пройдуць кароткачасовыя дажджы. Уначы і раніцай у асобных раёнах прагназуецца слабы туман. У дзённы час месцамі чакаюцца навальніцы. Вецер будзе паўднёва-заходні, заходні 4-9 м/с, удзень парывы да 14 м/с, у асобных раёнах парывы 15-20 м/с.
Тэмпература паветра ўначы складзе плюс 1-7 градусаў. Удзень ад плюс 10 на захадзе да 17 градусаў цяпла на ўсходзе краіны.