Знішчылі 150 цэляў: ЦАХАЛ паказаў відэа ўдараў па аб'ектах баевікоў у сектары Газа
- 14.05.2021, 12:45
- 4,326
Аперацыя знішчэння інфраструктуры тэрарыстаў прайшла ўночы ў пятніцу, 14 траўня.
Войска абароны Ізраіля апублікавала відэа ўдараў па інфраструктуры тэрарыстычнай арганізацыі ХАМАС у сектары Газа, паведамляе nv.ua.
Аперацыя знішчэння інфраструктуры палестынскіх баевікоў прайшла ўночы ў пятніцу, 14 траўня.
У ёй былі задзейнічаныя 160 самалётаў, а таксама танкі, артылерыя і пяхотныя часткі, размешчаныя ўздоўж мяжы з сектарам Газа.
У выніку удараў былі знішчаны 150 цэляў, а таксама пашкоджаная шматкіламетровая сетка падземных тунэляў, якія ХАМАС выкарыстоўвае для нападаў на Ізраіль.
The target: The Hamas ‘Metro’ tunnel system in Gaza.
— Israel Defense Forces (@IDF) May 14, 2021
The operation: 160 aircraft, tanks, artillery and infantry units along the border.
We struck 150 targets and damaged many kilometers of the Hamas ‘Metro’ network. pic.twitter.com/otn7JKxB9c
Эскалацыя канфлікту Ізраіля і ХАМАС
Канфлікт паміж Ізраілем і Палестынай зноў перайшоў у гарачую фазу. Яго эскалацыі папярэднічалі маштабныя пратэсты палестынцаў ва Усходнім Ерусаліме.
Падставай для гэтага стала пастанова ізраільскага суда аб прымусовым высяленні дзясяткаў чалавек у раёне Шэйх-Джара.
Падчас пратэстаў адбыліся сутыкненні з паліцыяй.
Са звестак уладаў Ізраіля, 8 траўня каля мячэці Аль-Акса траўмы атрымалі не менш за 15 сілавікоў і 163 палесцінцы.
Праваахоўнікі паведамілі, што выкарысталі сілу пасля таго, як «сотні падазраваных пачалі кідаць камяні, бутэлькі і іншыя прадметы ў сілы бяспекі».
סרטון חדש מהעימותים במסגד אלאקצא pic.twitter.com/NhBVpMHrIX
— Yasser Okbi (@OkbiYasser) May 10, 2021
9 траўня Вярхоўны суд Ізраіля адклаў прыняцце пастановы аб магчымасці высялення палестынцаў.
10 траўня ХАМАС запатрабаваў вывесці сілавікоў з комплексу мячэці Аль-Акса, а пасля заканчэння тэрміну ультыматуму нанёс першы ракетны ўдар.
З тых часоў па ізраільскай тэрыторыі было выпушчана да 2 тысяч набояў.
У адказ на гэта ЦАХАЛ пачаў наносіць удары па аб'ектах баевікоў у сектары Газа.
З абодвух бакоў ёсць страты забітымі і параненымі.