Оперная спявачка Маргарыта Ляўчук, якая падтрымала пратэсты, распавяла, якой жанчынай захапляецца

Яна таксама выступіла за перамены.

Оперная спявачка Маргарыта Ляўчук падзялілася меркаваннем аб баскетбалістцы Алене Леўчанцы, піша «Трибуна».

- Якая з гісторый беларускіх пратэстных спартоўцаў вас больш за ўсё ўразіла?

- Вядома, гісторыя Алены Леўчанкі. Бачыла яе з іншымі вольнымі спартоўцамі на маршы, яна сустракалася з сябрамі ў тым жа месцы на Нямізе, дзе і мы збіраліся з маімі сябрамі. Сябры звярнулі ўвагу, што побач з намі стаіць Алена Леўчанка, а я нават не ведала, хто гэта. Хоць, думаю, спартоўцы цяпер таксама не асабліва ведаюць, хто ў оперным свеце самы круты.

Сябры пабеглі з ёй фатаграфавацца, заадно і я даведалася, хто такая Лена Леўчанка. А потым адбылася тая самая гісторыя, калі Алену арыштавалі ў аэрапорце і далі ёй 15 дзён. Глядзела яе інтэрв'ю, гутарыла з ёй, мы і цяпер падтрымліваем кантакт. Вядома, тое, што адбылося з Аленай - гэта нейкі кашмар, мяне гэтая гісторыя вельмі ўразіла. І я адчайна захапляюся Аленай, для мяне яна стаіць у першым шэрагу жанчын, з якіх я бяру прыклад, - распавяла Ляўчук.