Ізраільскія вайскоўцы нанеслі ўдар па канторы кіраўніка сіл бяспекі ХАМАС

Адтуль адбывалася кіраванне і кантроль над вайсковай інфраструктурай тэрарыстаў.

На фоне абвастрэння сітуацыі на Блізкім Усходзе ізраільскія вайскоўцы нанеслі ўдар па канторы кіраўніка сіл бяспекі групоўкі ХАМАС.

Пра гэта паведамляе Армія абароны Ізраіля ў Twitter, піша nv.ua.

«Тайфік Абу Наім - кіраўнік сіл бяспекі ХАМАС. Мы толькі што нанеслі ўдар па канторы, якую ён выкарыстоўваў для кіравання і кантролю вайсковай інфраструктуры», - гаворыцца ў паведамленні.

Эскалацыя канфлікту Ізраіля і ХАМАС

Канфлікт паміж Ізраілем і Палестынай на Блізкім Усходзе зноў перайшоў у гарачую квадру. Перад эскалацыяй ва Усходнім Ерусаліме блізу тыдзень працягваліся маштабныя пратэсты палестынцаў, якія выступалі супраць выраку ізраільскага суда аб прымусовым высяленні дзясяткаў чалавек з дамоў праз тое, што грамадзяне Ізраіля спрабавалі атрымаць нерухомасць у ерусалімскім раёне Шэйх-Джары.

Падчас пратэстаў адбыліся сутыкненні пратэстоўцаў з паліцыяй, у выніку якіх былі параненыя і затрыманыя. Паводле звестак паліцыі Ізраіля, 8 траўня каля мячэці Аль-Аксы траўмы атрымалі не менш за 15 вайскоўцаў і 163 палестынцы. Праваахоўнікі паведамілі, што ўжылі гвалт пасля таго, як у іх пачалі кідаць камяні і бутэлькі.

9 траўня Вярхоўны суд Ізраіля адклаў прыняцце пастановы аб магчымасці высялення палестынцаў з іхніх дамоў.

10 траўня ХАМАС запатрабаваў ад Ізраілю да 18:00 мясцовага часу вывесці вайскоўцаў з комплексу мячэці Аль-Аксы. Праз некалькі хвілін па заканчэнні тэрміну ультыматуму ХАМАС нанёс па Ізраілі першы ракетны ўдар.

Паводле папярэдніх звестак, у выніку канфлікту загінулі дзевяць чалавек у Ізраілі ды 126 жыхароў сэктару Газы (паводле звестак палестынскага Міністэрства аховы здароўя).

Увечары 14 траўня прадстаўнікі ХАМАС заявілі, што ахвочыя спыніць абстрэл тэрыторыі Ізраілю. Прадстаўнікі групоўкі выставілі Ізраілю шэраг патрабаванняў.