У ААН маюць намер прыцягнуць да адказнасці памагатых рэжыму Лукашэнкі
35- 19.05.2021, 18:37
- 29,570
У ААН прызначылі трох экспэртаў, якія будуць фіксаваць доказы парушэнняў правоў чалавека ў Беларусі.
У ААН прызначылі трох экспэртаў, якія будуць фіксаваць доказы парушэнняў правоў чалавека ў Беларусі, каб прыцягнуць да адказнасці памагатых рэжыму Лукашэнкі, паведамляе «Белсат».
Вярхоўная камісарка ААН Мішэль Бачэлет абвясціла сёння аб прызначэнні трох экспэртаў высокага ўзроўню ў выяўленні фактаў парушэнняў правоў чалавека: Карына Маскаленка (Расея), якая будзе выконваць абавязкі старшыні, Сьюзан Базілі (Канада) і Марка Міланавіч (Сербія).
Яны будуць збіраць інфармацыю пра сітуацыі з правамі чалавека ў Беларусі, а таксама кансалідаваць, захоўваць і аналізаваць доказы парушэнняў правоў чалавека, каб прыцягнуць памагатых рэжыму да адказнасці.