Якое будзе надвор'е ў першыя дні лета

Падрабязны прагноз.

Стаў вядомы папярэдні прагноз надвор'я на канец траўня і першыя дні чэрвеня ў Беларусі. Тое, што радуе: з панядзелка дажджоў больш не чакаецца. Аднак на летняе цяпло пакуль разлічваць не варта, піша kp.by.

Апошні дзень вясны, 31 траўня , пройдзе з паўночным і паўночна-усходнім ветрам. Ноч будзе наогул халоднай - толькі плюс 7 градусаў, а ўдзень у панядзелак прагназуецца толькі 12-15 градусаў цяпла.

У аўторак, 1 чэрвеня , істотна цяплей не стане. Ноч будзе такой жа халоднай, а ўдзень у Менску, Гомелі, Магілёве, Гародні ды Віцебску абяцаюць 13-15 градусаў, у Берасці - плюс 14-16.

У наступныя дні мае трохі пацяплець - у сярэднім на 2-3 градусы, так што па-сапраўднаму летняга надвор'я ўсё яшчэ чакаць не даводзіцца. Затое на ўсёй тэрыторыі краіны ападкаў не абяцаюць. Як мінімум, да канца працоўнага тыдня, пятніцы 4 чэрвеня.