ЕЗ хоча адкрыць межы для трэціх краін: Што гэта значыць для Беларусі?

Еўразвяз пачаў адчуваць першыя станоўчыя вынікі масавай вакцынацыі.

Праз некалькі месяцаў пасля пачатку прышчэпачнай кампаніі ў Еўразвязе ахопленыя пандэміяй краіны ЕЗ пачалі адчуваць першыя станоўчыя вынікі масавай вакцынацыі, а іх улады - асцярожна аслабляць жорсткі локдаўн.

Наступны крок на шляху да паступовага вяртання да звыклага жыцця зрабіла Еўракамісія, 3 траўня прапанавана адкрыць межы Еўразвязу для жыхароў, чые краіны не ўваходзяць у яго. У Еўракамісіі спадзяюцца, што гэтая пастанова ажывіць еўрапейскую турыстычную галіну, па якой катком прайшлася пандэмія. DW тлумачыць, якімі будуць умовы для ўезду ў Еўразвяз.

У ЕЗ змогуць заехаць вакцынаваныя турысты

Цяпер на тэрыторыю кожнай краіны - чальца ЕЗ могуць уехаць толькі грамадзяне або рэзідэнты дзяржаў Еўразвязу, а таксама грамадзяне трэціх краін, якія маюць права на неабходныя паездкі. У гэтую катэгорыю трапляюць медыкі, кіроўцы вялікагрузаў і іншыя работнікі транспартнай галіны, сезонныя рабочыя, дыпламаты. Неабавязковыя паездкі могуць здзяйсняць толькі грамадзяне краін са спрыяльнай эпідэміялагічнай сітуацыяй - іх на дадзены момант у спісе Еўразвязу ўсяго сем: Аўстралія, Кітай, Новая Зеландыя, Руанда, Сінгапур, Тайланд і Паўднёвая Карэя.

Цяпер жа Еўракамісія рэкамендуе адкрыць межы турыстам з трэціх краін, якія зрабілі дзве прадугледжаныя правіламі вакцынацыі прышчэпкі ад каранавіруса адным з прэпаратаў, якія ўхваленыя Еўрапейскім агенцтвам лекавых сродкаў (EMA). У Еўракамісіі тлумачаць сваю прапанову тым, што, у адпаведнасці са звесткамі, імавернасць заразіцца каранавірусам ад вакцынаваць чалавека вельмі нізкая.

Дазвол мяркуецца выдаваць жыхарам замежных дзяржаў, якія закончылі вакцынацыю за 14 дзён да ўезду ў Еўразвязу. Пацвярджэннем гэтаму павінны быць лічбавыя кавід-сертыфікаты або іх эквіваленты, выдадзеныя ў іншых краінах, - пры ўмове, што іх дакладнасць можна праверыць. Украіна, да прыкладу, мае намер увесці сертыфікаты, сумяшчальныя з еўрапейскімі, і ўжо абмяркоўвае гэтае

пытанне з Еўракамісіяй. У самім Еўразвязе лічбавыя сертыфікаты яшчэ не ўвялі.

Магчымасць уехаць на тэрыторыю Еўразвязу з прышчэпкай ад COVID-19 не азначае адсутнасці дадатковых умоў, такіх, да прыкладу, як наяўнасць адмоўнага выніку ПЦР-тэсту на каранавірус, абавязаны зрабіць тэст пасля прыезду ці неабходнасці карантыну. Увесці гэтыя меры засцярогі зможа самастойна кожная з краін ЕЗ. Хоць "калі дзяржавы–чальцы ЕЗ надумаюць скасаваць патрабаванне аб выдачы адмоўнага ПЦР-тэсту або праходжанні карантыну для вакцынаваных асоб унутры Еўразвязу, яны павінны таксама выключыць гэтую ўмову для вакцынаваных турыстаў з краін за межамі ЕЗ», адзначылі ў прэс-службе Еўракамісіі.

А як жа «Спадарожнік V»?

На сённяшні дзень у Еўразвязе ўхваленыя чатыры вакцыны ад каранавіруса: BioNTech / Pfizer, Moderna, AstraZeneca і Johnson & Johnson. Дазвол на ўезд мяркуецца пашырыць і на тых, хто прышчапіўся ад каранавіруса адным з прэпаратаў, рэкамендаваных Сусветнай арганізацыяй здароўя (САЗ) у экстраных умовах. У гэтым спісе знаходзяцца вакцына AstraZeneca вытворчасці Паўднёвай Карэі і яе індыйскі аналаг Covishield - прэпараты, якімі цяпер прышчапляюць ва Украіне.

На астатнія прэпараты ад каранавіруса рэкамендацыя Еўракамісіі пакуль не распаўсюджваецца. Што тычыцца расейскай вакцыны «Спадарожнік V», на сайце САЗ яе статус пазначаны паметкай «неабходныя дадатковыя звесткі», адпаведная інспекцыя запланаваная на травень і чэрвень.

Высокапастаўлены чыноўнік Еўракамісіі пацвердзіў, што вакцынацыя «Спадарожнікам V»" ці кітайскай вакцынай Sinopharm пакуль што не будуць падставай для ўезду ў ЕЗ. «Мы нічога не маем супраць «Спадарожніка V» ці іншых не ўхваленых для прымянення ў Еўразвязе прэпаратаў. Але дзяржавы ЕЗ не будуць мець магчымасці сертыфікаваць вакцыны, якія не былі зарэгістраваныя нашым агенцтвам, альбо ж адсутнічаюць у спісе САЗ». Еўрапейскае агенцтва лекавых прэпаратаў EMA ўжо прыняло да разгляду заяўку на рэгістрацыю для выкарыстання расейскай вакцыны «Спадарожнік V» на тэрыторыі ЕЗ, але пакуль невядома, калі будуць вынікі экспэртызы.

Спіс краін «зялёнай зоны» пашыраць

Еўракамісія прапануе таксама аслабіць крытэры для вызначэння краін са спрыяльнай эпідэміялагічнай сітуацыяй. Пакуль што адна з галоўных умоў для ўнясення ў гэты спіс мяркуе, што парог колькасці новых захворванняў за апошнія 14 дзён не павінен перавышаць 25 выпадкаў на 100 тысяч насельніцтва. У далейшым колькасць выпадкаў заражэнняў плануецца павялічыць да ста.

Такое павышэнне парога магло б перавесці Расею ў «зялёную» зону. Актуальныя звесткі Еўрапейскага цэнтра прафілактыкі і кантролю захворванняў (ECDC) улічваюць два апошнія поўныя тыдні красавіка. За гэты перыяд у Расеі былі зарэгістраваныя 89 выпадкаў заражэння на 100 тысяч насельніцтва на працягу 14 дзён. У Беларусі гэты паказчык быў амаль 180 выпадкаў, а ва Украіне - амаль 387.

Аднак колькасць новых заражэнняў - толькі адзін з крытэраў. Іншыя паказчыкі - трэнд да павелічэння або зніжэння новых выпадкаў, колькасць праведзеных тэстаў і дзель тэстаў са станоўчым вынікам. Гэтыя крытэрыі мяняцца не будуць. У Расеі на працягу апошніх чатырох тыдняў лічбы раслі, так што колькасць новых заражэнняў ніжэй 100 на 100 тысяч насельніцтва можа быць недастатковым крытэрыем для ўнясення ў спіс краін са спрыяльнай эпідэміялагічнай сітуацыяй. Што ж тычыцца дазволу на ўезд у ЕЗ, то Еўракамісія прапануе ўлічваць і такі крытэрый як узаемнасць - іншымі словамі, іншы бок таксама павінен быць гатовы адкрыць межы для вакцынаваных грамадзян і рэзідэнтаў Еўразвязу.

Межы ЕЗ змогуць закрыць праз небяспечных «мутантаў»

Прадугледзела Еўракамісія і магчымасць «экстранага тармажэння» - імгненнай забароны на ўезд у ЕЗ для жыхароў краін, дзе эпідэміялагічная сітуацыя будзе хутка пагаршацца або дзе будуць выяўлены новыя небяспечныя варыянты каранавіруса. Выключэнні ў гэтых выпадках будуць прадугледжаны толькі для грамадзян ЕЗ і тых, хто едзе ў Еўразвяз з важкай прычынай.

Каб прапанова Еўракамісіі ўвайшла ў дзеянне, яе павінна разгледзець Рада ЕЗ. Першае абмеркаванне рэкамендацый запланавана на 4 траўня, а 5 траўня іх прадставяць амбасадарам краін Еўразвязу ў Радзе ЕЗ. У Еўракамісіі спадзяюцца, што рэкамендацыі будуць прынятыя да канца траўня, пасля чаго кожная дзяржава ЕЗ будзе ўкараняць іх самастойна. Дзейнічаць яны будуць на ўсёй тэрыторыі Еўразвязу (акрамя Ірландыі), а таксама ў Ісландыі, Ліхтэнштэйне, Нарвэгіі і Швайцарыі.