Самалёты «Белавія» пачалі аблятаць Украіну

Праз аблёт Украіны самалёту даводзіцца рабіць дазапраўку.

Блакада транзіту палётаў Белавія з 29 траўня праз тэрыторыю Украіны прывяла да павелічэння працягласці рэйсаў авіякампаніі Беларусі на 30 хвілін - 1,5 гадзіны. Пра гэта паведамляе Avianews.com.

Паведамляецца, што рэйс B2 9214 Хургада-Менск аблятаў Украіну праз тэрыторыю Расеі і праз гэта прызямліўся ў Менску на гадзіну пазней.

Рэйс Белавія B2 8922 з Шарм-эль-Шэйха зрабіў прамежкавую пасадку ў Антальі для дазапраўкі. Праз аблёт Украіны далёкасці самалёта стала не ставаць, каб дабрацца ў Менск.

Яшчэ адзін рэйс Шарм-эль-Шэйх-Менск B2 8196 Белавія змог здзейсніць аблёт Украіны без дазапраўкі, бо яго выконваў іншы авіялайнер Boeing 737-800. Час у шляху павялічылася на 45 хвілін. Новы рэйс Белавія Менск-Ізмір B2 8209 стаў даўжэйшы на 40 хвілін.

Таксама, Белавія заявіла, што з 30 траўня будзе адпраўляць самалёт з Менска ў Тэль-Авіў на адну гадзіну раней.

Удакладняецца, што цяпер Белавія можа лётаць толькі на ўсход і поўдзень. Аднак палёты турыстычных кірункаў на поўдзень падоўжаным маршрутам праз Расею ў абыход Украіны прывядуць да росту выдаткаў авіяперавозчыка.

Дадаткова Белавія скасавала рэйсы з Менску ў Бялград, Будапешт і Кішынёў. Праз санкцыі пералёты сталі немэтазгоднымі.