Навукоўцы выявілі на дне Галілейскага мора незвычайны аб'ект ручной работы

Узрост знаходкі складае 4000 гадоў.

У Ізраілі на дне возера Кінерэт, вядомага таксама як Галілейскае мора, навукоўцамі зафіксаваны ідэальны гіганцкі шар, узростам блізу 4000 гадоў і дыяметрам прыкладна 50 метраў. На гэты момант дакладна не вядома, хто і навошта яго стварыў. Ёсць некалькі версій, аднак нядаўна Шмуэль Марка, геафізік з універсітэта Тэль-Авіва і Майкл Фрэйкман, археолаг з Універсітэта Арыэля, прапанавалі новую гіпотэзу, у якую ідэальна ўпісваюцца ўсе дзівацтвы, што атачаюць гэты аб'ект. Аб іх расследаванні піша The Jerusalem Post (пераклад - lenta.ua).

З дапамогай гідралакатара і аналізу прыдонных адкладаў навукоўцы дакладна ўстанавілі, што гіганцкі шар ляжыць на глыбіні блізу 12 метраў, яго дыяметр 50 метраў, узрост 4000 гадоў. Створаны ён быў з гіганцкіх абломкаў базальту, памерам не менш за метр кожны.

Перш існавала гіпотэза, што гэты шар з'яўляецца біблейскім калодзежам Мірыям, сястры прарока Майсея. Згодна з такой версіяй, гэты аб'ект мог з'яўляцца легендарнай незнікальнай крыніцай вады, якая дапамагла габрэям выжыць у пустыні цягам іх саракагадовых тулянняў.

Цяпер жа даследчыкі прапанавалі іншую, куды больш смелую тэорыю. Яны выказалі здагадку, што гіганцкі шар - сведчанне праўдзівасці міфа аб Акхаце. Згодна з ім, цару, што маліўся пра дзіця, быў падараваны сын, названы Акхатам. Ён стаў славутым паляўнічым, валодаючы магічным лукам - дарам багоў. Адна з багінь пазайздросціла яго поспеху і забіла яго. Няўцешны бацька доўга шукаў сына, знайшоў яго і пахаваў.

У старажытнай легендзе, напісанай на мове угарытаў, ідзе гаворка пра пошукі цела Акхата ў двух морах. Адно мора было дакладна ідэнтыфікаванае як Міжземнае. Пад апісанне другога падыходзіць возера Кінерэт - Галілейскае мора. На думку спецыялістаў, што падрабязна вывучалі легенду, круглы шар з базальту і ёсць месца пахавання Акхата. У той час, пра які ідзе гаворка ў легендзе - тут магла быць суша. Паколькі сам тэкст легенды з'явіўся толькі праз некалькі стагоддзяў пасля апісаных у ёй падзей.

Зараз навукоўцы плануюць пачаць даследаванні пад вадой, уключаючы працу ультрагукавога апарата, каб даведацца, што хаваецца ўнутры гіганцкага шара на дне Галілейскага мора.