Павел Латушка: Гэты Дзень Перамогі павінен стаць нашым днём
2- 8.05.2021, 17:35
- 9,374
Латушка звярнуўся да беларусаў напярэдадні 9 траўня.
Зварот апублікаваны ў тэлеграм-канале кіраўніка НАУ Паўла Латушкі:
- Сёлета мы будзем адзначаць Дзень Перамогі ў сітуацыі, калі нелегітымная ўлада развязала самую сапраўдную вайну супраць беларускага народа.
Мы, дзеці, унукі і праўнукі пераможцаў фашызму, адзначым Дзень Перамогі годна - на вуліцах беларускіх гарадоў:
- Збяромся без сімволікі ў дазволеных для масавых гулянняў месцах - варыянт для тых, хто знаходзіцца ў Менску, абласных або раённых гарадах;
- Ускладзём кветкі да найбліжэйшага помніка або мемарыяла - варыянт для тых, хто правядзе гэтае свята за горадам.
Мы ўшануем змагароў з фашызмам, як мінулых гадоў, так і сучасных.
Гэты Дзень Перамогі павінен стаць і стане нашым днём!