Прэзідэнт Бразіліі не надзеў маску і паплаціўся за гэта
4- 13.06.2021, 12:54
- 4,592
Жаіра Балсанару аштрафавалі.
Прэзідэнта Бразіліі Жаіра Балсанару аштрафавалі за тое, што ён не насіў маску падчас мотапрабегу байкераў у Сан-Паўлу.
Пра гэта паведамляе «Нямецкая хваля».
Як паведамляецца, Балсанару павінен заплаціць штраф на суму амаль 90 еўраў.
Паводле звестак СМІ, такія ж штрафы аплацяць ягоны сын Эдуарда Балсанару і міністр інфраструктуры Тарчызіё Гомес, якія таксама знаходзіліся без ахоўных масак і не выконвалі дыстанцыю падчас гэтага мерапрыемства.
Сітуацыя з каранавірусам у Бразіліі
Прэзідэнт Бразіліі вядомы сваімі вельмі правымі, нацыяналістычнымі і кансерватыўнымі поглядамі, а таксама скандальнымі заявамі.
Аб каранавірусе Жаір Балсанару казаў як аб звычайным сезонным грыпе і не лічыў за патрэбнае ўводзіць у краіне карантын, занядбаў санітарнымі нормамі, не ўспрымаў вакцынацыю.
Праз гэта ў краіне ўспыхнулі пратэсты. Дзясяткі тысяч бразільцаў выйшлі на вуліцы з патрабаваннем адстаўкі прэзідэнта.
Цяпер сенат Бразіліі расследуе дзеянні прэзідэнта ў сувязі з пандэміяй.
Бразілія дагэтуль застаецца ў лідарах па распаўсюджванню каранавіруса ў свеце і адной з найбольш пацярпелых у выніку пандэміі краін.