Соф’і Сапезе выставілі абвінавачванне паводле артыкула 130 КК Беларусі

Ёй пагражае да 15 гадоў пазбаўлення волі.

Грамадзянцы РФ Соф’і Сапезе, якую затрымалі разам з беларускім журналістам Раманам Пратасевічам у Менску, выстаўленае абвінавачванне паводле арт. 130 КК РБ («Распальванне расавай, нацыянальнай, рэлігійнай альбо іншай сацыяльнай варожасці ці розні»). Пра гэта крыніца паведаміла «Новай газеце».

Выданне таксама паведамляе, што, паводле папярэдняй інфармацыі, грамадзянку Расеі падазраюць і ў «арганізацыі масавых беспарадкаў» (ч.1 арт. 293 КК), «арганізацыі дзеянняў, якія груба парушаюць грамадскі парадак» (ч. 1 арт. 342 КК). Ёй пагражае да 15 гадоў пазбаўлення волі.