Зяленскі пагаварыў з Джонсанам пра сяброўства ў NATO
3- 14.06.2021, 14:07
- 2,882
Размова адбылася пасля саміту G7.
Прэзідэнт Украіны Уладзімір Зяленскі у тэлефоннай размове з прэм'ерам Вялікай Брытаніі Борысам Джонсанам абмеркаваў сітуацыю на Данбасе, імкненне Украіны да сяброўства ў NATO і ўмацаванне флоту.
Як паведамляе «Еўрапейская праўда», пра гэта распавяла прэс-служба офіса прэзідэнта ў панядзелак, 14 чэрвеня.
Размова адбылася пасля саміту «Групы сямі», які прайшоў 11-13 чэрвеня пад старшынствам Вялікай Брытаніі, і перад самітам NATO, які пачаўся ў панядзелак.
У ОПУ адзначылі, што ключавую ўвагу Зяленскі і Джонсан надалі пытанням еўраатлантычнай інтэграцыі Украіны, дарэчы, у кантэксце саміту NATO.
Зяленскі адзначыў важнасць дакладнай перспектывы сяброўства ў Альянсе для Украіны, «якая ідзе шляхам рэформаў ва ўмовах складаных выклікаў для бяспекі».
«Мы зрабілі ўсё, што трэба для атрымання плану дзеянняў для ўдзелу. Прыйшоў час, каб нашы партнёры і хаўруснікі падтрымалі Украіну канкрэтнымі дзеяннямі і пастановамі», - сказаў прэзідэнт Украіны брытанскаму прэм'еру.