Байдэн заявіў, што абарона Еўропы - гэта святы абавязак для ЗША
3- 14.06.2021, 17:25
- 3,050
Прэзідэнт ЗША імкнецца выправіць сувязі пасля пагарды да Альянсу, якую дэманстраваў Трамп.
Прэзідэнт ЗША Джо Байдэн заявіў у панядзелак хаўруснікам па NATO, што абарона Еўропы, Турцыі і Канады з'яўляецца "святым абавязкам" для Злучаных Штатаў. Пра гэта паведамляе "Еўрапейская праўда" са спасылкай на Reuters.
"Артыкул пяты - гэта святы абавязак", - сказаў Байдэн, маючы на ўвазе абяцанне трансатлантычнага альянсу аб калектыўнай абароне.
"Я хачу, каб уся Еўропа ведала, што Злучаныя Штаты тут", - дадаў ён.
"NATO для нас крытычна важнае", - сказаў Байдэн, які імкнецца выправіць сувязі пасля пагарды да Альянсу, якую дэманстраваў ягоны папярэднік Дональд Трамп.
Як паведамлялася, Зяленскі заявіў, што хацеў бы ад прэзідэнта ЗША Джо Байдэна пэўнасці ў пытанні надання Украіне Плану дзеянняў для сяброўства ў NATO.
Аднак, як чакаецца, лідары краін NATO на саміце ў Брусэлi 14 чэрвеня не назавуць ніякіх дат што да таго, калі краіны-аспіранты, такія як Украіна ці Грузія, могуць атрымаць ПДС.