Украінцы ўважаюць увядзенне санкцый супраць Мядзведчука асноўным дасягненнем Зяленскага
24- 14.06.2021, 18:37
- 3,526
Апублікаваныя звесткі апытання.
81,3% украінцаў уважаюць, што асноўным дасягненнем Уладзіміра Зяленскага на працягу другога года яго прэзідэнцтва стала ўвядзенне санкцый супраць кіраўніка палітрады «Апазіцыйнай платформы - За жыццё» Віктара Мядзведчука і яго атачэння, а таксама закрыццё «прарасейскіх тэлеканалаў». Пра гэта сведчаць апублікаваныя 14 чэрвеня вынікі апытання, праведзенага Фондам «Дэмакратычныя ініцыятывы» імя Ілька Кучэрыва.
46,9% апытаных назвалі галоўным дасягненнем дыджыталізацыю дзяржаўных паслуг.
Таксама рэспандэнты адзначылі блакаванне працы Канстытуцыйнага Суда пасля скасавання адказнасці за незаконнае ўзбагачэнне (21,9%), мабілізацыю міжнароднай падтрымкі Украіны ў час вясновай эскалацыі сітуацыі на Данбасе (20,3%) і праект «Вялікае будаўніцтва» (18,8%).
У той жа час 17,2% апытаных уважае, што за мінулы год у Зяленскага не было сур'ёзных дасягненняў.
Апытанне праводзілася з 18 траўня да 8 чэрвеня сярод экспэртаў і журналістаў. Усяго было апытана 65 рэспандэнтаў.