25 лiпеня 2021, Нядзеля, 9:04
Сім сім, Хартыя 97!
Рубрыкі

Санкцыі дзейнічаюць: сябры Лукашэнкі замітусіліся

25
Санкцыі дзейнічаюць: сябры Лукашэнкі замітусіліся

Рынак адрэагаваў неадкладна.

IT-кампанія Synesis зноў спрабуе выратавацца ад санкцый. У канцы мінулага тыдня, адразу пасля зліваў аб тым, што заснавальнік кампаніі Аляксандр Шатроў патрапіць у чацвёрты пакет санкцый ЕЗ, была змененая структура ўласнасці кампаніі.

Як высветліла «Еўрарадыё», вялікую частку сваіх акцый Synesis Шатроў перапісаў на аднаго з падначаленых. 81% кампаніі цяпер належыць яе дырэктару Юрыю Сербянкову.

Яшчэ ў адной кампаніі - «Сінезіс Стратус» - Шатроў цалкам выйшаў са спісу ўласнікаў. Цяпер фірма на 100% належыць галаўной арганізацыі.

Сам Synesis патрапіў пад санкцыі ЕЗ яшчэ ў канцы мінулага года. Кампанія спрабуе аспрэчыць у судзе пастанову ЕЗ, але выніку пакуль няма.

Як паведамлялася раней, кампанію абвінавачваюць у тым, што з дапамогай яе галоўнага прадукту - сістэмы Kipod - сілавікі вылічалі ўдзельнікаў акцый пратэсту. Напрыклад, ёсць звесткі, быццам з дапамогай гэтай сістэмы быў затрыманы актывіст анархісцкага руху Мікалай Дзядок, які хаваўся ў Асіповіцкім раёне.

Таксама 22 чэрвеня стала вядома, што акцыі групы САФМАР, якія належаць яшчэ аднаму фігуранту «санкцыйных спісаў» - расейскаму бізнэсоўцу Міхаілу Гуцэрыева - сталі імкліва падаць на біржы.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».