БЧ: Праз дажджы спыняўся рух цягнікоў

Узніклі затрымкі ў руху як мінімум трох складаў у Менскай вобласці.

Сёння праз непагадзь ўзніклі затрымкі ў руху як мінімум трох складаў у Менскай вобласці. Пра гэта паведамляе Беларуская чыгунка.

Між іншым, на ўчастку Маладзечна - Куранец з прычыны складаных умоў надвор'я затрыманыя цягнікі:

- №6683 рэгіянальных ліній Круляўшчызна - Маладзечна - на 2 гадзіны;

- №871 рэгіянальных ліній Менск - Полацк - на 20 хвілін;

- №872 рэгіянальных ліній Полацк - Менск - на 25 хвілін.

Да гэтага моманту, інфармуе БЧ, рух адноўлены. Прымаюцца меры ў перасадцы пасажыраў на станцыі Маладзечна і дастаўкі іх да месца прызначэння.