Рассельгаснагляд часова забараніў увозіць памідоры беларускага экспарцёра
7- 24.07.2021, 16:44
- 6,620
У іх знайшлі вірус.
Рассельгаснагляд уводзіць часовыя абмежаванні на ўвоз у Расею свежых таматаў з Беларусі экспарцёрам ААТ «ДОРОРС». Пра гэта гаворыцца ў прэс-рэлізе на сайце ўстановы.
З паведамлення арганізацыі, пры правядзенні карантыннага фітасанітарнага кантролю было выяўлена 12 выпадкаў віруса мазаікі пепіна (Pepino mosaic virus). Гэта карантынны для краін-чальцоў ЕАЭС аб'ект.
Спецыялісты правяралі таматы, якія паставіў на тэрыторыю Расеі беларускі экспарт ААТ «ДОРОРС». У заражаных таматаў былі фітасанітарныя сертыфікаты, выдадзеныя ГУ «Галоўная дзяржаўная інспекцыя насенняводства, карантыну і аховы раслін».
Рассельгаснагляд з 26 ліпеня 2021 года ўводзіць часовыя абмежаванні на ўвоз у Расею свежых таматаў з Рэспублікі Беларусь гэтым экспарцёрам. З паведамлення установы, гэта робяць «у мэтах захавання фітасанітарнага дабрабыту і прадухілення распаўсюджвання карантыннага аб'екта на тэрыторыі РФ».
Захад дзейнічацьме да правядзення беларускім бокам расследаванняў у гэтых выяўленнях і падачы інфармацыі аб праведзеных мерапрыемствах на адрас расейскай установы.
Вірус мазаікі пепіна ў асноўным паражае памідоры, перцы, баклажаны, бульбу і расліну пепіна.