Навукоўцы: Антыцелы да Covid-19 захоўваюцца не менш як 9 месяцаў

Незалежна ад таго, з сімптомамі працякала захворванне або без.

Тэставанне ўсяго італьянскага горада паказвае, што ўзроўні антыцелаў застаюцца высокімі праз дзевяць месяцаў пасля заражэння SARS-CoV-2, незалежна ад таго, з сімптомамі працякала захворванне або без, піша healthinfo.ua.

Даследнікі з Універсітэта Падуі і Імперскага каледжа Лондана праверылі больш за 85% з 3 тыс. жыхароў італьянскага горада Во, які быў ахоплены вірусам у лютым-сакавіку мінулага года.

Каманда выявіла, што 98,8% людзей, інфекаваных у лютым / сакавіку, паказалі вызначальныя ўзроўні антыцелаў у лістападзе таго ж года, і не было ніякай розніцы паміж людзьмі, у якіх былі сімптомы COVID-19, і ў якіх яны адсутнічалі. Вынікі былі апублікаваныя ў часопісе Nature Communications.

Узроўні антыцелаў адсочваліся з дапамогай трох тэстаў, якія выяўляюць розныя тыпы антыцелаў. Вынікі паказалі, што, хоць усе з іх знізіліся ў перыяд з траўня да лістапада, хуткасць распаду была рознай у залежнасці ад аналізу. Каманда таксама выявіла выпадкі павышэння ўзроўню антыцелаў у некаторых людзей, што паказвае на патэнцыйнае паўторнае заражэнне вірусам, што спрыяе ўмацаванню імуннай сістэмы.