Беларусы склалі большасць студэнтаў-замежнікаў універсітэта ім. Міцкевіча
- 27.07.2021, 18:28
- 6,628
На другім месцы ідуць украінцы.
Беларусы склалі самую вялікую групу сярод замежнікаў, прынятых сёлета ва ўніверсітэт імя Адама Міцкевіча ў Познані, піша польскае выданне wyborcza.pl.
На 26 ліпеня на навучанне прынятыя 5593 чалавекі, у тым ліку 709 замежнікаў, кажа прэс-сакратарка ўніверсітэта Малгажата Рыбчынскі.
Сярод замежнікаў самую вялікую групу складаюць жыхары Беларусі - 436 чалавек. На другім месцы ідуць украінцы - іх 136.
На працягу апошняга года краіну пакінулі дзясяткі тысяч чалавек - як з палітычных, так і з эканамічных прычын.