За гэтых працаўнікоў працадаўцы ў Літве змагаюцца і цяпер: заробак 4 000 еўраў і вышэйшы

Сёння на рынках у Літве і Еўропе адчуваецца брак працаўнікоў.

Гарады імкліва пашыраюцца, а з імі пашыраецца і будаўнічы сектар. Паводле прагнозаў, да 2025 года будаўнічы сектар у свеце вырасце яшчэ на 50%. Нягледзячы на тое, што цяпер спецыялістаў у гэтым сектары завабліваюць вялікімі заробкамі, на рынку ўсё адно адчуваецца брак працаўнікоў, піша delfi.lt.

Прэзідэнт Літоўскай асацыяцыі будаўнікоў Далюс Гедвілас сказаў, што найбліжэйшым часам брак спецыялістаў у гэтым сектары стане яшчэ больш актуальным. Пры працаўладкаванні мала будзе толькі жадання працаваць – праз аўтаматызацыю працэсаў і работ з новымі сістэмамі спатрэбіцца адпаведная адукацыя.

"Сёння на рынках у Літве і Еўропе адчуваецца брак будаўнікоў. Я думаю, гэта будзем назіраць яшчэ некалькі гадоў, бо будаўнічыя тэхналогіі мяняюцца - патрэбныя разумныя інжынеры, бо ў сферы будаўніцтва з'явілася нямала разумнай тэхнікі, інструментаў. Выпадковыя людзі ўжо не могуць працаваць у гэтай сферы - іх павінны падрыхтаваць ва ўніверсітэтах, калегіях, у цэнтрах прафесійнай падрыхтоўкі", - сказаў ён.

Аднак ён заўважыў, што брак спецыялістаў абумоўлівае добрыя перспектывы для тых, хто рыхтуецца прыйсці на рынак працы. Гедвілас падкрэсліў, што цяпер не стае інжынернага персаналу, людзей кампутарна пісьменных - такія работнікі патрэбныя, бо ў сферы будаўніцтва з'явіліся лічбавыя тэхналогіі і праграмнае забеспячэнне.

Гедвілас прагназуе, што ў недалёкай будучыні спецыяльнасць інжынер-будаўнік стане вельмі папулярнай.

"На літоўскім рынку ёсць кампаніі, уладальнікі якіх - інвестары з замежным капіталам, яны шукаюць добрых спецыялістаў. Калі паглядзім на заробкі такіх спецыялістаў - яны складаюць у сярэднім 4000 еўраў. Я не кажу пра таленты - думаю, у іх заробкі яшчэ вышэйшыя", - сказаў прэзідэнт асацыяцыі.

Ён звярнуў увагу на тое, што літоўскіх рабочых-будаўнікоў і інжынераў высока цэняць за мяжой, таму мясцовы рынак павінен абараняцца ад "уцечкі мазгоў".

"Пагроза вялікая - інжынеры-будаўнікі, якія сёння заканчваюць універсітэты і калегіі, добра ведаюць ангельскую і карыстаюцца попытам у замежных кампаніях. Утрымаць іх няпроста. Не сакрэт, што ў Літве на інжынераў-будаўнікоў і праектантаў "вядзецца паляванне". Ёсць швайцарская кампанія, дзе 80% работнікаў - літоўцы, ёсць спецыялісты, якія працуюць на рынках Швэцыі і Нямеччыне", - распавёў Гедвілас.

Ён заўважыў, што асабліва цэняцца тыя спецыялісты, якія дасведчаныя не толькі ў будаўнічай інжынерыі.

"Сёння праектаванне звязана з праграмаваннем. Ёсць стваральнікі праграмнага абсталявання, якія распрацавалі пакеты праграмнага абсталявання, прыборы цяпер ўдасканальваюцца, у кожнага ёсць кампутарныя "мазгі".

Прыборы павінны быць уключаны ў сістэму, праектаванне аўтаматызаванае, таму попытам карыстаюцца і работнікі з ведамі ў сферы праграмавання. Пры наяўнасці некалькіх навыкаў - будаўнічай інжынерыі, праграмавання і кіравання сістэмамі - набываюцца канкурэнтная перавагі на рынку працы", - сказаў Гедвілас.