У Беларусі прыкметна павялічылася колькасць захворванняў органаў дыхання
3- 29.07.2021, 18:27
- 6,026
У 2020 годзе такіх выпадкаў было больш амаль на 700 тысяч, чым у 2019-м.
У Беларусі прыкметна павялічылася колькасць захворванняў органаў дыхання. У 2020 годзе - амаль на 700 тысяч выпадкаў у параўнанні з 2019-м.
Гэта вынікае з новага зборніка «Сацыяльнае становішча і ўзровень жыцця насельніцтва Рэспублікі Беларусь», апублікаванага Белстатам.
З яго зніклі звесткі аб смяротнасці ў нашай краіне, але можна прасачыць рост колькасці інфекцыйных захворванняў. Напрыклад, летась яны былі дыягнаставаныя ў 627 тысяч чалавек - гэта на 300 тысяч больш, чым у 2019 годзе.
Ва ўсе папярэднія гады паказчык смяротнасці ў гэтым зборніку публікаваўся. Беларусь працягвае заставацца адзінай краінай у Еўропе, якая не апублікавала колькасць памерлых за 2020 год.