Як ЗША могуць паўплываць на сітуацыю ў Беларусі

Экспэрт пералічыў тры магчымыя пункты прыкладання сіл.

Эканаміст Леў Марголін у каментары UDF адзначыў, што сустрэча Ціханоўскай і Байдэна з'яўляецца знакавай.

«Як ні круці, ЗША - самая магутная краіна ў свеце. Тое, што сустрэча доўжылася ўсяго 15 хвілін, - так я і не думаў, што яны будуць абмяркоўваць канкрэтныя пытанні: для гэтага ёсць памочнікі, дарадцы, міністры і г.д. Але сам факт, што гэтыя клеркі будуць ведаць, што пытаннем цікавіцца сам прэзідэнт, - гэта значна спросціць рашэнне многіх пытанняў», - уважае Марголін.

У астатнім ён застаецца прыхільнікам пункту гледжання, што развязання палітычнага крызісу магчымае толькі ўнутры самой Беларусі.

Ці здольны візіт Ціханоўскай у ЗША змяніць пазіцыю Штатаў у дачыненні да Беларусі і прывесці да іх больш актыўных дзеянняў?

«Пазіцыя дэмакратычных ЗША ў дачыненні да дыктатарскіх рэжымаў даўно вядомая. А вось узмацніць яе, трохі ажывіць магчыма атрымаецца. Калі б не было сустрэчы Ціханоўскай з прэзідэнтам Байдэнам, амерыканскія і сусветныя СМІ сталі б надаваць Беларусі менш увагі», - мяркуе Марголін.

Ці ёсць інструменты ў ЗША, каб паўплываць на сітуацыю ўнутры Беларусі? Марголін пералічыў тры магчымыя пункты прыкладання сіл.

«Па-першае, санкцыі супраць беларускага рэжыму. Па-другое, падтрымка грамадзянскай супольнасці. Па-трэцяе, уплыў на Расейскую Федэрацыю, каб яна не занадта захаплялася падтрымкай Лукашэнкі. Не ведаю, толькі ў абмен на што», - сказаў Марголін.