ЕЗ заклікае Ірак дапамагчы ўтаймаваць незаконную міграцыю праз Беларусь
8- 29.07.2021, 21:45
- 7,098
Акрамя Ірака, ЕЗ мае намер весці перамовы з кіраўнікамі шэрагу афрыканскіх краін.
Еўрапейскі Звяз заклікае ўрад Ірака дапамагчы ўтаймаваць незаконны ўвоз мігрантаў у Літву праз Беларусь. У лісце, накіраваным у чацвер, 29 ліпеня, еўрапейскім камісарам унутраных спраў Ільвой Ёхансан міністрам унутраных спраў краін-сябраў ЕЗ, адзначаецца, што «значная частка» тых, што перасякаюць мяжу з Літвой не маюць права прэтэндаваць на прытулак у ЕЗ. «Мы кантактуем з іракскімі ўладамі для таго, каб Багдад забяспечыў лепшы кантроль за пералётамі ў Беларусь і прыняў бы назад грамадзян Ірака, якія хочуць вярнуцца добраахвотна», - цытуе дакумент агенцтва AFP.
Са слоў Ёхансан, акрамя Ірака, аналагічныя кантакты прадугледжаны з кіраўнікамі афрыканскіх краін Таго, Камерун і Гвінея.
Раней кіраўнік еўрапейскай дыпламатыі Жазэп Барэль паведаміў, што ён правёў перамовы з кіраўніком МЗС Ірака Фуад Хусэйнам, асноўнай тэмай якіх стала пытанне пра тое, як справіцца з узрослай колькасцю іракскіх грамадзян, што незаконна перасякаюць мяжу Літвы з Беларусі. «Гэта пытанне, якое выклікае занепакоенасць не толькі ў адной дзяржавы-сябра, але і ва ўсяго ЕЗ. Мы разлічваем на падтрымку Ірака», - напісаў Барэль у твітэры.
Good conversation w/ Iraqi Foreign Minister @Fuad_Hussein1 yesterday on how to tackle increased number of Iraqi citizens irregularly crossing from Belarus into Lithuania.
— Josep Borrell Fontelles (@JosepBorrellF) July 28, 2021
This is an issue of concern not only for one Member State but for the entire EU. We count on Iraq’s support.