Аляксей Венядзіктаў: У Пуціна ёсць праблема

Галоўны рэдактар «Эхо Москвы» мяркуе, што ў краху вакцынацыі ў Расеі ёсць віна кіраўніка Крамля.

Прэзідэнт Расеі Уладзімір Пуцін не прызнае памылак, дапушчаных у пытанні вакцынацыі ад каранавірусной інфекцыі. Такое меркаванне выказаў 1 ліпеня ў эфіры радыёстанцыі "Эхо Москвы" яе галоўны рэдактар Аляксей Венядыктаў.

"Ва Уладзіміра Уладзіміравіча, на мой погляд, ёсць праблема - не прызнае сваіх памылак. Ён памыліўся ў тым, што ён своечасова - я думаю, што ён гэта разумее, - не заклікаў вакцынавацца. Ён памыліўся ў тым, што ён казаў пра тое, што мы перамаглі [COVID-19]. Ну, што яму, праўду, сказалі. Усё адно. Ты адказваеш. Ён памыліўся ў гэтым. Ён ведае, што людзі гэта памятаюць", - сказаў ён.

Галоўны рэдактар «Эхо Москвы» мяркуе, што Пуціну варта было вакцынавацца публічна.

«Ён памыліўся ў тым, што ён не паказаў, як яго вакцынуюць. Ну і што? Што такога паказаць, як цябе колюць? Ты з голым торсам на кані ездзіш і плаваеш... Калі кудысьці яшчэ, можна не паказваць, Уладзімір Уладзіміравіч. А ў плячо можна і паказваць. Не згодны з ім. і Ён не прызнае памылак. Ён публічна не прызнае памылак. І калі яму цяпер хтосьці казаў, што трэба было раней, ён - праз зубы. Ён упэўнены, усё адно пераможам, усё адно будзем лепшымі за ўсіх. У ім гэта ёсць. Таму вось так ён сябе і паводзіцца, на мой погляд. Маё назіранне паказвае, што прычына ў гэтым», - патлумачыў Венядзіктаў.