Як выратавацца ад летняй спёкі

Парады САЗ.

Жыхароў Еўропы чакае спякотнае лета, а кандыцыянеры ёсць далёка не ва ўсіх. САЗ дае парады, як перанесці спёку і дзе шукаць жыватворнай прахалоды, асабліва ў перыяд пандэміі COVID-19, піша news.un.org.

З кожным днём становіцца цяплей. Большасць людзей з нецярпеннем чакалі надыходу лета. Аднак высокая тэмпература і магчымыя перыяды анамальнай спякоты спалучаныя з рызыкай для здароўя.

Цеплавы ўдар, на думку медыкаў, можа пагоршыць фонавыя паталогіі, уключаючы сардэчна-сасудзістыя захворванні, дыябет, псіхічныя разлады і астму. Спякота да таго ж павялічвае рызыку няшчасных выпадкаў і інфекцыйных захворванняў.

Экспэрты нагадваюць, што 2020 год увайшоў у тройку самых цёплых гадоў за ўсю гісторыю назіранняў. Падобна на тое, што гэты год зойме адзін з верхніх радкоў у рэйтынгу самых гарачых гадоў, што, на думку медыкаў, небяспечна ростам смяротнасці ад спёкі сярод людзей старэйшых за 65 гадоў. За апошнія 20 гадоў колькасць такіх фатальных выпадкаў ва ўсім свеце амаль падвоілася, а ў Еўропе вырасла больш чым на 30 адсоткаў.

Паводле прагнозаў сіноптыкаў, ва ўсім Еўрапейскім рэгіёне САЗ будзе ўсё больш гарачых дзён, што разам з такімі фактарамі, як змяненне клімату, урбанізацыя і старэнне насельніцтва, можа прывесці да сур'ёзных наступстваў у сферы аховы здароўя.

Таму медыкі ўжо цяпер заклікаюць падрыхтавацца да спёкі. У самым еўрапейскім бюро САЗ напярэдадні лета запусцілі кампанію з хэштэгам #ДержитеГоловуВХолоде, мэта якой - інфармаваць насельніцтва аб тым, як абараніцца ад спёкі і не стаць ахвярай цеплавога ўдару.

Гэтая кампанія асабліва важная на фоне пандэміі COVID-19, якая выклікала крызіс аховы здароўя: між іншым, у многіх шпіталях проста не стае месцаў.

Медыкі раяць пазбягаць спёкі. У самы гарачы час дня яны рэкамендуюць не выходзіць на вуліцу і не займацца справамі, якія патрабуюць вялікага фізічнага напружання. У САЗ заклікаюць як мага больш знаходзіцца ў цені, і, калі ёсць магчымасць, праводзіць 2-3 гадзіны ў дзень у прахалодным месцы, выконваючы пры гэтым меры абароны ад COVID-19.

«Захоўвайце прахалоду ў сябе дома. Зніжайце цеплавую нагрузку ўнутры кватэры або дома на працягу дня - для гэтага трэба апусціць шторы або жалюзі і выключыць як мага больш электрапрыбораў», - рэкамендуюць у САЗ.

Экспэрты нагадваюць, што летам вельмі важна не дапускаць перагрэву і абязводжвання арганізма, неабходна насіць лёгкае і свабоднае адзенне, слаць лёгкую пасцельную бялізну, часцей прымаць халаднаваты душ або ванну і рэгулярна піць ваду. Лекары зноў адзначаюць, што падчас успышкі COVID-19 няма нічога лепш за жыватворную прахалоду.