Шандаровіч: Лукашэнка - адрэзаная луста
18- 7.07.2021, 21:25
- 37,600
Свет зразумеў, з кім мае дачыненне.
Расейскі пісьменнік і журналіст Віктар Шандаровіч у праграме «Особое мнение» на радыё «Эхо Москвы» выказаўся пра агароджу, якую Літва збіраецца ўзводзіць на мяжы з Беларуссю, каб змагацца з наплывам незадакументаваных мігрантаў, паведамляе euroradio.fm.
На думку пісьменніка, Лукашэнка выкарыстоўвае мігрантаў у якасці адзінкі гандлю і такім чынам помсціць Еўразвязу за санкцыі.
«[Мігранты] - гэта такі расходны матэрыял, вельмі танна дастаўся, таму што яго заваліся - толькі расчыні дзверы. Таму што людзі хочуць патрапіць з тыранічных рэжымаў у Еўропу. Беларусь вельмі ўдала ляжыць на шляху - выдатна! Гэта ў сутнасці разнавіднасць гандлю людзьмі ў 21 стагоддзі», - кажа Шандаровіч.
Пісьменнік уважае, што ў адрозненне ад дэмакратычных краін у тыранічных больш манеўраў:
«Яму пляваць на лёсы людзей і таму ў яго развязаныя рукі. Маленькая Літва спрабуе нешта рабіць. Вядома, манеўранасць Лукашэнкі, яго нахабства дазваляе яму выйграваць тактычна. Стратэгічна тут год як мінімум ужо ўсё зразумела: Лукашэнка - адрэзаная луста».
Таму, уважае пісьменнік, Літва цяпер апынулася паміж молатам і кавадлам, паміж гуманітарным фактарам і проста пагрозай нацыянальнай бяспецы:
«Яна аказваецца проста ў закладніках, таму што для Лукашэнкі арганізаваць наплыў нелегальных уцекачоў з Азіі гэта 2 секунды».
«Свет, здаецца, зразумеў, з кім мае справу», - рэзюмуе Шандаровіч.