Букмекеры далі прагноз на другі паўфінал Еўра-2020
4- 7.07.2021, 21:48
- 8,514
Матч Англія - Данія пачнецца а 22:00 паводле Менску.
7 ліпеня а 22:00 паводле менскага часу на стадыёне Уэмблі адбудзецца другі паўфінал Еўра-2020 у якім згуляюць Англія і Данія. Які прагноз на матч даюць букмекеры?
Самы папулярны прагноз букмекераў на ўчорашні паўфінал Італія-Гішпанія апраўдаўся, і каманды сапраўды скончылі асноўны час з лікам 1:1, вырашыўшы зыход паядынку ў серыі пенальці, піша «Новое время».
У сённяшнім паядынку паміж Англіяй і Даніяй шанцы на перамогу адной з каманд адрозніваюцца значна больш.
Відавочна, абсалютная перавага застаецца за англічанамі, а імавернасць перамогі зборнай Даніі - усяго 18%.
Імавернасць таго, што Англія выйграе ў асноўны час - прыкладна 58%, а найбольш папулярны прагноз букмекераў на дакладны лік - 1:0.
Характэрна, што імавернасць перамогі Англіі ў два мячы ў асноўны час прыкладна роўная імавернасці таго, што 90 хвілін гульні скончацца з выніковай нічыёй на табло.
Не самая выгадная стаўка будзе і на агульны паказчык галоў у матчы 2-3, - імавернасць гэтага складае амаль 54%.
Нагадаем, за ўсю гісторыю зборныя Англіі і Даніі сустракаліся 23 разы. У 13 з іх выйграла Англія, а ў пяці - Данія.
Апошні матч паміж камандамі ў Лізе нацый UEFA ў кастрычніку мінулага года скончыўся мінімальнай перамогай Даніі.