NYT: Забойства прэзідэнта Гаіці мог арганізаваць іншаземец па імені Майк
13- 9.07.2021, 21:15
- 8,410
Жавенель Маіз, як мяркуецца, быў забіты групай наймітаў.
Арганізатарам забойства прэзідэнта Гаіці Жавенеля Маіза быў іншаземец па імені Майк, які гаварыў на гішпанскай і ангельскай мовах, - пра гэта піша The New York Times (пераклад - nv.ua).
Гаіцянскі суд 9 ліпеня паведаміў, што двое амерыканцаў, затрыманых праз падазрэнне ў забойстве прэзідэнта краіны, называюць сябе перакладчыкамі наймітаў. З іх слоў, іх не было ў пакоі пад час забойства Маіза. Адзін з амерыканцаў - былы ахоўнік у пасольстве Канады на Гаіці, 35-гадовы Джэймс Саледжас, другі - 55-гадовы Джозэф Вінцэнт.
Амерыканцы сцвярджаюць, што змова актыўна рыхтавалася на працягу месяца, пры гэтым мэтай нібыта было не забіць прэзідэнта, а даставіць яго ў нацыянальны палац. Са слоў Вінцэнта, арганізатарам быў нейкі замежнік па імені Майк.
Прэзідэнта Гаіці Жавенеля Маіза забілі ў ноч на 7 ліпеня ў яго прыватнай рэзідэнцыі. У яго стрэлілі не менш за 12 разоў. Параненую першую лэдзі Марцін Маіз даставілі ў бальніцу Фларыды, цяпер яна ў стабільным стане.
Паводле звестак следства, у атрад наймітаў уваходзілі 26 чалавек, сярод іх былі адстаўныя калумбійскія вайскоўцы. Семярых падазраваных у забойстве Маіза застрэлілі, яшчэ шэсць чалавек былі затрыманыя. Сярод затрыманых - двое амерыканцаў.