Журналісту «Трибуны» Івуліну абраная мера стрымання ў выглядзе ўзяцця пад варту
1- 9.07.2021, 21:43
- 1,902
Тэрмін затрымання - два месяцы.
Гульцу ФК «Крумкачы», журналісту Tribuna.com, аўтару канала «ЧестнОК» Аляксандру Івуліну выстаўленае абвінавачванне паводле часткі першай 342-га артыкула КК РБ («Арганізацыя групавых дзеянняў, што груба парушаюць грамадскі парадак»).
Журналісту абраная мера стрымання ў выглядзе заключэння пад варту. Тэрмін затрымання - два месяцы.
Паводле 342 артыкула КК РБ Аляксандру пагражае да чатырох гадоў пазбаўлення волі.
Артыкул 342 КК РБ: «Арганізацыя групавых дзеянняў, што груба парушаюць грамадскі парадак і звязаны з яўным непадпарадкаваннем законным патрабаванням прадстаўнікоў улады або якія пацягнулі парушэнне работы транспарту, прадпрыемстваў, устаноў або арганізацый, або актыўны ўдзел у такіх дзеяннях пры адсутнасці прыкмет больш цяжкага злачынства - караюцца арыштам, ці абмежаваннем волі на тэрмін ад двух да пяці гадоў, або пазбаўленнем волі на тэрмін да чатырох гадоў».
Нагадаем, Аляксандр Івулін 4 чэрвеня быў асуджаны на 30 дзён. Яго асудзілі нібыта за сцяг на акне. Справу разглядала суддзя Фрунзенскага раёна Менска Юлія Блізнюк.