Колькі могуць зарабіць беларусы, збіраючы маліны?
8- 5.08.2021, 12:21
- 5,344
Ягады пачалі актыўна прымаць у нарыхтоўчых пунктах.
Нарыхтоўчы сезон у Баранавічах не змяншае абароты. Ад насельніцтва цяпер актыўна прымаюць маліны: за кілаграм ягады можна атрымаць 5 рублёў, паведамляе intex-press.
Акрамя гэтага, нарыхтоўшчыкі бяруць сліву (1 рубель за кіло), буякі (6 рублёў) і вішню (1,5), а таксама розныя агароднінныя культуры: памідоры па 60-70 капеек, перац па 1,7 рубля, часнок па 3,5 рубля.
А вось сезон чарніц афіцыйна закрыўся. Зараз нарыхтоўшчыкі чакаюць, калі пойдуць грыбы.
- Грыбоў сёлета зусім мала. Каб яны раслі, патрэбныя дажджы, таму пакуль прымаем толькі лісічкі: па-ранейшаму 8 рублёў за кілаграм, - распавялі ў адасобленым структурным падраздзяленні (філіял) «Нарыхтоўчы прамысловы гандаль» Баранавіцкага раённага спажывецкага таварыства.