Байдэн хоча зрабіць амерыканскую аўтапрамысловасць больш экалагічнай

Да 2030 года 50 адсоткаў новых аўтамабіляў у краіне павінны скласці электрамабілі.

Прэзідэнт ЗША Джо Байдэн мае намер зрабіць аўтамабільную прамысловасць краіны больш экалагічнай. Да 2030 года палова ўсіх прадаваных у ЗША новых аўтамабіляў павінна мець электрарухавік, гаворыцца ў выканаўчым указе, які ў чацвер, 5 жніўня, падпіша Байдэн, паведамляе dw.com.

У гэтай катэгорыі будуць улічвацца электрамабілі, гібрыдныя аўтамабілі і аўтамабілі на паліўных элементах, напрыклад, на вадародным паліве, растлумачыў Белы дом. Указ Байдэна дазволіць Злучаным Штатам «наблізіць будучыню электрамабіляў, абагнаць Кітай і змагацца з кліматычным крызісам», паказваецца далей. Байдэн паставіў мэту для амерыканскага аўтапрама стаць лідарам у вытворчасці аўтамабіляў з электрапрывадам, стварэнні адпаведнай інфраструктуры і інавацый у гэтай сферы.

Новыя стандарты эфектыўнасці і зніжэнне ўзроўню забруджвання

Захады, выкладзеныя ў новым законе, уключаюць таксама распрацоўку новых стандартаў эфектыўнасці выкарыстання паліва, зніжэнне ўзроўню забруджвання навакольнага асяроддзя і запаволенне змены клімату. Акрамя таго, мяркуецца садзейнічаць інавацыям у аўтапраме і стварыць новыя працоўныя месцы.

Амерыканскі прэзідэнт заявіў у Twitter пра «важныя навіны». «Калі я кажу, што электрамабілям належыць будучыня, я не жартую», - напісаў ён.