У пятніцу ў Беларусі чакаецца да +29 градусаў
- 5.08.2021, 18:11
- 2,990
Прагназуюцца дажджы.
Аранжавы ўзровень небяспекі аб'яўлены ў Беларусі 6 жніўня праз навальніц, паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
У пятніцу будзе воблачна. Прагназуюцца дажджы, уначы на поўдні, раніцай і ўдзень у многіх раёнах краіны пройдуць моцныя дажджы, прагрымяць навальніцы. На захадзе рэспублікі месцамі чакаюцца вельмі моцныя дажджы. Удзень па ўсходзе месцамі будзе град. Вецер пераменных напрамкаў 4-9 м/с, у многіх раёнах парывы да 15-20 м/с.
Тэмпература паветра ўначы складзе плюс 11-18. Удзень будзе ад плюс 15 на паўночным захадзе да 29 градусаў цяпла на паўднёвым усходзе Беларусі.