У ЗША «скрыжавалі» F-16 з бізнэс-джэтам
- 10.09.2021, 21:18
- 7,512
Для чаго?
У ЗША з'явіліся здымкі самалёта з незвычайным вонкавым выглядам. Канструктары скрыжавалі насавую частку знішчальніка F-16 з бізнэс-джэтам Bombardier CRJ-700 для выпрабаванняў новага радара. Пра гэта паведамляе The Drive.
Гэты самалёт –лятучая лабараторыю для тэставання абсталявання тактычных самалётаў. Гэта абумовіла незвычайную форму пярэдняй часткі CRJ-700. Самалёт атрымаў насавы абцякальнік знішчальніка F-16 з новай радыёлакацыйнай станцыяй (РЛС) AN/APG-83 SABR.
Мэтай выпрабаванняў была праверка сумяшчальнасці новага радара з сістэмай радыёэлектроннай барацьбы NGEW. Віцэ-прэзідэнт Northrop Grumman Джэймс Конрай падкрэсліў, што выпрабаванні паказалі поўную сумяшчальнасць двух комплексаў. З 2022 года F-16 ВПС ЗША атрымаюць новую РЭБ-сістэму.
Эксплуатацыя шматфункцыянальных знішчальнікаў F-16 пачалася ў 1974 годзе. Выпуск сучасных мадыфікацый самалёта працягваецца, што зрабіла F-16 адным з самых распаўсюджаных баявых самалётаў у свеце. Выпушчана больш за чатыры тысячы машын.