Удзельнікі грамадзянскай місіі SpaceX апублікавалі фота з арбіты
6- 17.09.2021, 18:48
- 6,328
За першы дзень у космасе карабель здзейсніў 15 віткоў вакол планеты.
Удзельнікі місіі Inspiration4, якую запусціла кампанія SpaceX 15 верасня, паказалі фотаздымкі першага дня палёту. Усяго яны прабудуць у космасе тры дні.
Як паведамляецца на старонцы місіі ў Twitter, за першы дзень палёту карабель Crew Dragon здзейсніў 15 віткоў вакол Зямлі. На караблі ўсталяваны панарамны купал, дзякуючы якому астранаўты змаглі назіраць за нашай планетай з вышыні 575 кіламетраў над яе паверхняй.
The crew of #Inspiration4 had an incredible first day in space! They’ve completed more than 15 orbits around planet Earth since liftoff and made full use of the Dragon cupola. pic.twitter.com/StK4BTWSA6
— Inspiration4 (@inspiration4x) September 17, 2021
Палёт цалкам аплаціў мільярдэр, заснавальнік і кіраўнік кампаніі Shift4 Payments Джарэд Айзекман. На арбіту адправяцца чатыры чалавекі. Камандзір экіпажа - Айзекман, які мае кваліфікацыю пілота рэактыўных самалётаў. Разам з ім у космас адправяцца прафесар каледжа з Арызоны Саен Практор, супрацоўніца дзіцячай бальніцы ў Тэнэсі Хэйлі Арсена, а таксама інжынер, былы механік ВПС ЗША Крыстафэр Семброскі. Арсена стане самай маладой амерыканкай, якая пабывала ў космасе.
