«Сілу Сібіры» спыняць

Транспартаванне газу з Расеі ў Кітай будзе спыненае.

Транспартаванне газу па расейскім трубаправодзе «Сіла Сібіры» спыняць з 22 да 29 верасня, на ім пройдуць планавыя тэхнічныя працы, паведамляецца 20 верасня ў Telegram-канале «Газпрама».

«З 22 да 29 верасня на газаправодзе “Сіла Сібіры” пройдуць планавыя прафілактычныя працы. Транспартаванне газу па ім у гэты перыяд будзе прыпыненае», – гаворыцца ў паведамленні.

«Газпрам» і кітайская CNPC узгаднілі тэрміны правядзення працаў летась.