Польскія памежнікі заявілі пра снайпераў з беларускага боку
2- 23.09.2021, 9:22
- 14,598
На мяжы заўважаныя салдаты з узбраеннем і экіпіроўкай для баявых дзеянняў.
Памежная служба Польшчы апублікавала фатаграфіі беларускіх сілавікоў на мяжы. У Варшаве сцвярджаюць, што ў не звычайных для гэтых месцаў салдатаў ёсць у тым ліку снайперскія вінтоўкі.
«Супрацоўнікі Памежнай аховы ўжо доўгі час назіраюць з беларускага боку ля мяжы з Польшчай афіцэраў і салдатаў, якіх раней не бачылі ля мяжы. Іхнія форма і рыштунак могуць паказваць на тое, што яны адносяцца не да памежных службаў», – паведамілі польскія памежнікі ў Twitter.
Funkcjonariusze Straży Granicznej od dłuższego już czasu obserwują po stronie białoruskiej🇧🇾 przy granicy z Polską funkcjonariuszy bądź żołnierzy, którzy nie byli wcześniej widziani przy tej granicy. Ich umundurowanie i wyposażenie może wskazywać, że nie są to służby graniczne. pic.twitter.com/7rmpX2Ye6I
— Straż Graniczna (@Straz_Graniczna) September 22, 2021
Гэтае паведамленне пацвердзіў Станіслаў Жарын, прадстаўнік міністра-каардынатара спецслужбаў Польшчы.
Potwierdzam! W pasie przygranicznym z Polską identyfikowani są żołnierze m. in. jednostek powietrzno-desantowych, służby do zadań specjalnych PKG RB, czy OMONU. Niektórzy żołnierze dysponują m. in. karabinami snajperskimi. 1/2 https://t.co/bqJZQxsz4d
— Stanisław Żaryn (@StZaryn) September 22, 2021
Паводле ягоных словаў, у прымежнай паласе з польскай тэрыторыяй апазнаныя вайскоўцы паветрана-дэсантных падраздзяленняў, падраздзяленняў спецыяльнага прызначэння КДБ ці АМАПа.
«Некаторыя салдаты валодаюць, акрамя іншага, снайперскімі вінтоўкамі. На мяжы з польскай тэрыторыяй з'яўляюцца салдаты з частак, якія займаюцца не аховай мяжы, а баявымі дзеяннямі», – напісаў ён.
