Швецыя ўзмоцніць вайсковыя сувязі з Нарвегіяй і Даніяй праз напружанасць з Масквой у Балтыйскім моры

Швецыя таксама павялічыла вайсковыя выдаткі.

Швецыя на гэтым тыдні падпіша пагадненне аб супрацоўніцтве ў галіне абароны з Нарвегіяй і Даніяй, каб супрацьстаяць пагаршэнню сітуацыі ў галіне бяспекі ў Балтыйскім рэгіёне.

Пра гэта паведамляе «Европейская правда» са спасылкай на Reuters.

Швецыя, якая не з’яўляецца сябрам NATO, але падтрымлівае цесныя сувязі з Альянсам, аднаўляе свае ўзброеныя сілы праз рост напружанасці з Расеяй у Балтыйскім рэгіёне.

«Калі паўстане крызісная сітуацыя, мы будзем значна лепш падрыхтаваныя, таму што будзем каардынаваць нашы планы ў гэтым рэгіёне. На практыцы мы зможам хутчэй рэагаваць», - сказаў міністр абароны Петэр Хултквіст.

З ягоных слоў, аб'яднаныя рэсурсы трох краін дапамогуць стрымаць патэнцыйнага антаганіста.

Швецыя павялічыла вайсковыя выдаткі - у тым ліку пагадзілася купіць ракеты Patriot у Злучаных Штатах - і ў апошнія гады паглыбіла вайсковае супрацоўніцтва з NATO і суседнімі краінамі, такімі як Фінляндыя, у адказ на абвастрэнне напружанасці ў дачыненнях з Расеяй.

«Мы ведаем, што Расея гатовая выкарыстаць вайсковую сілу для дасягнення сваіх палітычных мэтаў і задач. Мы паглыбляем наша супрацоўніцтва з іншымі краінамі ў гэтым рэгіёне менавіта для таго, каб падняць планку прадухілення збояў і крызісаў», - дадаў шведскі міністр.