У Беларусі ў 8-месячнага немаўля выявілі COVID-19

Вірус у немаўля выявілі ў Лельчыцкай цэнтральнай раённай бальніцы.

У Лельчыцкім раёне Гомельскай вобласці ў 8-месячнага малога выявілі каранавірусную інфекцыю, пра гэта піша «Светлае жыццё» са спасылкай на лекара-інфекцыяніста мясцовай бальніцы Ірыну Жук.

Са слоў лекара, у мясцовай стацыянарнай бальніцы цяпер на лячэнні ад пнеўманіі знаходзяцца 80 чалавек, 45 з іх - з дыягназам каранавірус. Амаль 46% тых, хто захварэў складаюць людзі працаздольнага ўзросту, чацвёра дзяцей і васьмімесячнае немаўля.

- У ковідных аддзяленнях раённай бальніцы аказваюць дапамогу пацыентам з каранавірусам, а таксама падазрэннем на яго чатыры лекары, такая ж колькасць працуе ў рэанімацыйным аддзяленні, адзін лекар - у кантактнай групе для лячэння пацыентаў з COVID-19 амбулаторна. Акрамя гэтага, пры неабходнасці прыцягваюцца вузкія спецыялісты-лекары, - распавёў Жук.

Лекарка распавяла, што ў цэнтральнай раённай бальніцы для лячэння пацыентаў з COVID-19 выдзелена 81 койка, 6 з якіх з'яўляюцца рэанімацыйнымі, 75 - інфекцыйнымі.

Яна таксама адзначыла, што цяпер на лячэнні пацыентаў з каранавірусам задзейнічана цэлая брыгада медыкаў.