«Газпрам» спыніў продаж газу на 2022 год
21- 28.09.2021, 18:53
- 17,292
«Газпрам экспарт» прыбраў з раскладу прапановы аб пастаўцы газу ў Еўропу.
«Газпрам экспарт» прыбраў з раскладу таргоў на сваёй Электроннай гандлёвай платформе (ЭГП) усе кантракты на 2022 год, піша «Интерфакс».
На гандлёвых сесіях з 27 верасня да 1 кастрычніка кампанія выставіла прапановы аб пастаўцы газу ў Еўропу толькі ў 2023 годзе. Пры гэтым раней, на працягу ўсяго верасня, «Газпрам экспарт» таксама прапаноўваў пастаўкі на зіму 2022-2023 гадоў. Цяпер ён спыніў гэта рабіць.
ЭГП - гэта дадатковы інструмент для продажу паліва, акрамя доўгатэрміновых кантрактаў і іншых платформаў. З пачатку года продажу праз гэтую платформу дасягнулі 7,066 мільярда кубаметраў.
Кошт газу на нідэрландскім хабе TTF рэкордна ўзляцеў 28 верасня, упершыню ў гісторыі дасягнуўшы адзнакі ў тысячу даляраў за тысячу кубаметраў.