Улады спужаліся аповеду аднакласніцы хлопца, які застрэліў КДБшніка?

У Беларусі заблакаваны сайт «Комсомольской правды».

Доступ да сайта «Комсомольской правды в Беларусі» абмежаваны. Сайт не адкрываецца ні з Беларусі, ні з-за яе межаў.

Увечары 28 верасня лукашысцкая прапаганда абрынулася на выданне за артыкул пра Андрэя Зэльцэра, які застрэліў супрацоўніка КДБ і быў забіты ў адказ стрэламі. Тое, што аднакласніца хлопца кажа пра яго як пра добрага чалавека, падалося ім абуральным.

Сайт быў заблакаваны за адну ноч. Падобна на тое, што беларускія сэрверы, на якіх ён ляжыць, адключаныя. З раніцы 29 верасня на месцы kp.by – стандартная заглушка пра пастанову Мінінфарма.