Беларускі рубель зноў дэвальваваўся да ўсіх асноўных валют
- 29.09.2021, 14:29
- 6,012
Што адбылося на Беларускай валютна-фондавай біржы.
Таргі на Беларускай валютна-фондавай біржы ў сераду скончыліся ростам даляра і расейскага рубля да максімуму за тры тыдні, паведамляе select.by.
Кошык валют сёння падаражэў на 0,13%, а з пачатку верасня на 0,20%.
Курс даляра вырас яшчэ на 0,0083 BYN да 2,5083 BYN/USD да максімуму за 20 дзён. З пачатку месяца даляр падаражэў усяго на 0,0042 BYN.
Курс еўра падняўся на 0,0036 BYN да 2,9242 BYN/EUR. Еўра даражэе другі дзень, а да гэтага ён знаходзіўся на мінімуме за 406 (!) дзён. З пачатку верасня еўрапейская валюта патаннела на 0,0371 BYN.
Курс расейскага рубля падрос толькі на 0,0007 BYN да 3,4453 BYN/100 RUB - максімум за 23 дні.
Расейскі рубель за апошнія сем дзён даражэе ўжо шостым разам. За гэты час яго кошт вырас на 0,0382 BYN, а з пачатку месяца на 0,0279 BYN.