Украіна падоўжыла забарону на імпарт электраэнэргіі з Беларусі

Забарона падоўжаная да 1 лістапада.

Нацыянальная камісія, якая ажыццяўляе дзяржаўнае рэгуляванне ў сферах энэргетыкі і камунальных паслуг (НКРЭКУ), падоўжыла забарону на імпарт электраэнэргіі з Расеі і Беларусі да 1 лістапада. Адпаведную пастанову НКРЭКУ прыняла на пасяджэнні.

У адпаведнасці з суправаджальнай дакументацыяй, у перыяд з 26 траўня да 23 верасня ў камісію не паступалі звароты аб неабходнасці аднавіць імпарт электраэнэргіі з краін, якія не з'яўляюцца чальцамі Энэргетычнай супольнасці, піша «Укрінфарм».

Як паведамлялася, у сувязі з набыццём моцы 15 траўня 2021 года Закона Украіны «Аб унясенні змяненняў у некаторыя заканадаўчыя акты Украіны аб сертыфікацыі аператара сістэмы перадачы», НКРЭКУ атрымала паўнамоцтвы абмяжоўваць даступную прапускную здольнасць, якая размяркоўваецца на дзённых і месячных аўкцыёнах на 2021 год, у частцы перасячэнняў паміж Украінай і дзяржавамі, якія не з’яўляюцца бакамі Энэргетычнай супольнасці.