Да +19°С чакаецца ў Беларусі ў аўторак
- 6.09.2021, 19:54
- 1,190
Будзе пераважна без ападкаў.
Да 19 градусаў цяпла чакаецца ў Беларусі 7 верасня, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
У аўторак чакаецца пераменная воблачнасць, будзе пераважна без ападкаў. Толькі ўначы і раніцай месцамі па поўначы краіны пройдуць невялікія кароткачасовыя дажджы. У начныя і ранішнія гадзіны ў асобных раёнах чакаецца слабы туман. Вецер прагназуецца паўднёва-заходні 3-8 м/с.
Тэмпература паветра ўначы складзе ад плюс 1 па паўднёвым усходзе да 9 градусаў цяпла па паўночным захадзе, месцамі па паўднёвым усходзе чакаюцца замаразкі ад нуля да мінус 2. Удзень будзе 14-19 градусаў цяпла.