Памёр вядомы латвійскі актор Арніс Ліцыціс
9- 23.01.2022, 10:02
- 17,924
Ён зняўся ў «Доўгай дарозе ў дзюнах» і яшчэ ў больш чым у 200 розных фільмах і тэлесерыялах.
Латвійскі актор Арніс Ліцыціс памёр ва ўзросце 76 гадоў. Пра гэта ў пятніцу на сваёй старонцы ў Facebook паведаміў яго суайчыннік, спартыўны фатограф Зігізмундс Залманіс.
«Выдатны актор, мілы і прыемны чалавек і, нарэшце, мой сябар Арніс Ліцыціс пакінуў нас. Мне цяжка пра гэта гаварыць… Ён зараз на іншай сцэне, сустрэнецца з іншымі акторамі кіно», - напісаў ён.
Прычыны смерці артыста ён не назваў.
Арніс Ліцыціс атрымаў вядомасць па ролі лорда Вінтэра ў фільме «Мушкецёры праз дваццаць гадоў» і каралеўскага пракурора Вільфара ў карціне «Вязень замка Іф».
Усяго ж ён зняўся больш чым у 200 розных фільмах і тэлесерыялах - «Доўгая дарога ў дзюнах», «Міраж», «Малінавае віно», «Мушкецёры праз дваццаць гадоў» і многіх іншых.