На аўкцыёне ў Менску купілі велізарную аднапакаёвую кватэру, якую не маглі прадаць некалькі гадоў
18- 26.01.2022, 18:55
- 44,984
Што не так з гэтым жыллём?
Сёння ў Менску на аўкцыёне прадалі 78-метровую аднапакаёўку на вуліцы Германоўскай, 9, якую не маглі прадаць некалькі гадоў. Пра гэта Realt распавялі ў Менскім гарадскім цэнтры нерухомасці. Распавядаем падрабязнасці і паведамляем выніковы кошт.
Уласнікам кватэры на першым паверсе ў панэльным доме 2015 года пабудовы з'яўляецца «ЖРЭА Кастрычніцкага раёна Менска. Пры плошчы 78 квадратных метраў яна па факце з'яўляецца аднапакаёвай. Тут ёсць вялікая кухня (17 «квадратаў»), жылы пакой (23 «квадраты») і дапаможнае памяшканне з акном (13 «квадратаў»).
Жылое памяшканне спрабавалі прадаць у 2019-м, 2020-м і 2021-м гадах. Пры гэтым, калі тры гады таму за кватэру прасілі 182 тысячы рублёў (амаль $86 тысяч), то цяпер пачатковы кошт быў роўны 153 тысячам (амаль $60 тысяч).
На таргі заявіліся пяць удзельнікаў. У выніку кватэра была прададзеная аднаму з іх за 195 500 рублёў або за амаль 74,6 тысячы даляраў па курсе Нацбанка на сённяшні дзень (амаль 950 даляраў за «квадрат»).
Пры пісьменным падыходзе планіроўка аднапакаёвай дазваляе зрабіць з яе двух- або нават трохпакаёвую кватэру.