Брытанскія лекары апублікавалі новыя звесткі аб «схаваным» амікроне

Падтып амікрону BA.2 распаўсюджваецца хутчэй за свайго папярэдніка.

Падтып BA.2 амікрон-штаму каранавіруса, названы «схаваным амікронам», мае больш высокія тэмпы распаўсюджвання ў параўнанні з падтыпам BA.1. Пра гэта гавораць апублікаваныя на дзяржаўным брытанскім партале вынікі аналізу, праведзенага агенцтвам аховы здароўя Вялікабрытаніі (UKHSA), піша сайт ria.ru).

«Цяпер мы ведаем, што BA.2 мае павышаную хуткасць распаўсюджвання. Гэтая карціна назіраецца ва ўсіх рэгіёнах Англіі. Мы таксама высветлілі, што ў BA.2 крыху вышэйшая частата паўторных выпадкаў заражэння, чым у BA.1», — сказала галоўная медычная дарадца UKHSA Сьюзэн Хопкінс.

Пры гэтым брытанскія навукоўцы адзначаюць, што эфектыўнасць вакцын супраць новай разнавіднасці мікрону на тым жа ўзроўні, што і супраць BA.1.

На мінулым тыдні UKHSA вылучыла новую разнавіднасць «амікрона» BA.2 як доследны варыянт. BA.2 называюць «схаваным», бо яго цяжка адрозніць у лабараторных умовах ад арыгінальнага BA.1. Тым не менш, ПЦР-тэсты і антыгенныя экспрэс-тэсты беспамылкова паказваюць станоўчы вынік у заражаных BA.2.

Найбольш эфектыўнай абаронай ад усіх наяўных тыпаў каранавіруса застаецца вакцынацыя. Міністр аховы здароўя падкрэсліваў, што большасць пацыентаў з COVID-19, якія паступаюць у расейскія стацыянары, не былі прышчэплены.