Зьявілася першае відэа з беларускімі жаўнерамі на казахстанскай зямлі
68- 8.01.2022, 17:29
- 49,862
Вайскоўцы і тэхніка выгружаюцца з расейскага транспартнага самалёта.
Беларускія вайскоўцы, якія прыляцелі ў Казахстан, ахоўваюць вайсковыя аб'екты гэтай краіны. Пра гэта паведамляе Міністэрства абароны Беларусі.
Там удакладнілі, што беларускі воінскі кантынгент «прыступіў да выканання задач у ахове шэрагу важных аб'ектаў вайсковай інфраструктуры Казахстана».
Відэа прыбыцця беларускага вайсковага кантынгенту апублікавала ў сваім тэлеграм-канале РІА «Новости».
Як паведамлялася раней, у Казахстан для ўдзелу ва ўрэгуляванні крызіснай сітуацыі накіраваная рота са складу 103-й паветрана-дэсантнай Віцебскай брыгады сіл спецыяльных аперацый.